प्रत्येक गावात लसीकरण केंद्र सुरू करा- रविंद्र भेगडे
आज काले कॉलनी, पवनानगर येथील ग्रामीण रुग्णालयाला मावळ तालुका भाजपा अध्यक्ष रविंद्र (आप्पा)भेगडे यांनी भेट दिली.यावेळी रुग्णालयात कोविड रुग्णांना आवश्यक असणाऱ्या पिण्यासाठी कोमट पाण्याची व्यवस्था करण्यासाठी वॉटर फिल्टर भेट देण्यात आले तसेच येळसे येथील प्राथमिक आरोग्य केंद्राला इलेक्ट्रॉनिक पाणी गरम करण्याचे मशीन देण्यात आले.
यावेळी दोन्ही रुग्णालयातील इतर माहिती घेत असताना काले येथील ग्रामीण रुग्णालयात जनरेटर अभावी व्हेंटिलेटर बेड सुरू नाहीत हे लक्षात आल्यावर प्राथमिक स्वरूपात भाजपच्या कार्यकर्त्यांकडून ते उपलब्ध करू पण,व्हेंटिलेटर उपलब्ध करा अशी मागणी भेगडे यांनी केली.
येळसे येथील आरोग्य केंद्रात देखील सुविधांचा अभाव असून या ठिकाणी मंडप ची व्यवस्था भाजपाच्या कार्यकर्त्यांकडून करण्यात आली असल्याचेही भेगडे यांनी सांगितले. त्याचप्रमाणे उद्या पासून त्या ठिकाणी लसिकरणासाठी येणाऱ्या सर्व नागरिकांना इतर आवश्यक सुविधा पुरविण्यासाठी शासनाने लक्ष घालावे व लसिकरणासाठी आजूबाजूच्या गावातून नागरिकांना PHC वर यावं लागत आहे.यातून संसर्गाचा धोका अधिक असून ही सुविधा आंबेगाव व हवेली प्रमाणे प्रत्येक ग्रामपंचायत स्तरावर उपलब्ध करून द्यावी अशी मागणी भेगडेंनी गट विकास अधिकारी व तहसीलदार यांच्याकडे केली आहे.यावेळी उपस्थित मावळ तालुका संघटन मंत्री किरणभाऊ राक्षे,जि.प.सदस्या अलकाताई धानिवले.महागाव गण अध्यक्ष नारायण बोडके, गणेश ठाकर, काले गावचे सरपंच खंडू कालेकर,गणेश धानिवले,व कार्यकर्ते उपस्थित होते.
0 टिप्पण्या