kamshet–लाच स्वीकारताना पोलीस निरीक्षकासह दोघे "एसीबी"च्या जाळ्यात

कामशेत–पुणे जिल्हा मध्यवर्ती सहकारी बँकेचे माजी संचालक बाळासाहेब नेवाळे यांना (दि.२१/०२/२०२१) रोजी फसवणूक प्रकरणी अटक केली. वडगाव मावळ न्यायालयाने  (दि.२५/०२/२०२१) पर्यंत पोलीस कोठडी दिली.  

       वडगाव मावळ न्यायालयात जामीनसाठी मदत करण्यासाठी ५ लाख रुपयांच्या लाचेची मागणी केली. त्यानुसार (दि.२३/०२/२०२१) रोजी अडीच लाख रुपये दिले. (२५/०२/२०२१) रोजी न्यायालयात जामीन मिळवून देण्यासाठी काहीच मदत केली नाही.नेवाळे यांना १४ दिवसाची न्यायालयीन कोठडी सुनावली गेली.

 त्यांमुळे येरवडा पुणे कारागृहात त्याची रवानगी केली. 

 

बाळासाहेब नेवाळे यांचा जामीन करण्यासाठी पोलीस निरीक्षक अरविंद चौधरी, सहाय्यक पोलीस निरीक्षक प्रफुल्ल कदम व पोलीस कर्मचारी महेश दौंडकर यांनी  काहीच मदत न केल्याने त्यांना उर्वरित रक्कम देण्याचे टाळले असता, नेवाळे यांचा (दि.१०/०३/२०२१) रोजी जामीन असल्याने मदत करतो असे म्हणून  उर्वरित एक लाख रुपयांच्या लाचेची मागणी केली गेली.तक्रारदार मावळ पंचायत समितीचे उप सभापती दत्तात्रय शेवाळे यांनी लाचलुचपत प्रतिबंधक विभाग पुणे कार्यालयात तक्रार दिली.ठरल्याप्रमाणे शनिवारी (दि.६) तीन वाजून पंचवीस मिनिटांनी रोख रक्कम एक लाख रुपये स्वीकारताना पोलीस निरीक्षकअरविंद चौधरी, सहाय्यक पोलीस निरीक्षक प्रफुल्ल कदम व कर्मचारी महेश दौंडकर यांना अटक केली.त्यांची पाच तास चौकशी करण्यात आली.आरोपींवर कामशेत पोलीस स्टेशनमध्ये गुन्हा दाखल केला.