मावळ दि.२- मावळ तालुक्यामध्ये प्रधानमंत्री आवास योजनेअंतर्गत सर्वसामान्य जनतेची प्रतीक्षा संपली असून त्यांना आपल्या स्वतःच्या हक्काचे घर मिळणार आहे. मा.राज्यमंत्री बाळा भेगडे यांच्या वाढदिवसानिमित्त पंतप्रधान आवास योजना शहरी ग्रामीण अंतर्गत पहिल्या टप्प्यातील घरकुल योजनेचे उद्घाटन सोमवार दिनांक ३/१/२०२२ रोजी दुपारी ३ वाजता शिवणे या ठिकाणी होणार असून मा. राज्यमंत्री बाळा भेगडे यांच्या उपस्थितीत या योजनेचे उद्घाटन मा. सिद्धार्थ शिरोळे (आमदार शिवाजीनगर) यांच्या हस्ते होणार आहे.
काही दिवसापूर्वी या योजनेच्या घटक क्रमांक ४ मधे वैयक्तिक स्वरूपातील पक्की घरे स्वमालकीच्या जागेवर बांधकाम परवानगी तसेच नकाशा आराखडा तयार होऊन प्रारंभ प्रमाणपत्र तथा बांधकाम कार्यादेश लाभार्थ्यांना देण्यात आले होते.
योजनेअंतर्गत मावळ तालुक्यातून असे १६७०० जणांनी लाभ मिळण्यासाठी अर्ज दाखल केले होते .या अर्जांची पुणे महानगर प्रदेश विकास प्राधिकरण पुणे यांनी छाननी होऊन पहील्या टप्यात मावळ तालुक्यातील पहिल्या टप्प्यामधील शिवणे, भोईरे, साते, ठाकूरसाई ,कढदे ,डोने, ब्राम्हणोली, करंजगाव, ओवळे, काले, धनगाव ,दिवड, महागाव, येलघोल, पुसाने ,आढले खुर्द,येळसे, साळुंब्रे आदी गावांमध्ये नियम अटीचे पालन करून १३९८ घरांना पक्के बांधकाम करण्यास मंजुरी आदेश देण्यात आले आहेत .
पहिल्या टप्प्यात प्लींथ लेवल पर्यंत बांधकाम पूर्ण झाल्यावर १००००० रू, दुसऱ्या टप्प्यात छताचे बांधकाम पूर्ण झाल्यावर १०००००, तिसऱ्या टप्प्यात घराचे बांधकाम पूर्ण होऊन सर्वात महत्वाचा दाखला मिळाल्यानंतर ५०००० हजार असे लाभार्थ्यास एकुण २५००००/रक्कम रूपये प्रधानमंत्री आवास योजनेअंतर्गत मिळणार आहेत.
गेल्या विधानसभा निवडणुकीमध्ये पंतप्रधान आवास योजने वर टिकाही झाली होती सदरची योजना खोटी आहे असेही विरोधका कडून त्या वेळी बोलले जात होते.त्यावेळेस सत्तेतील मा.राज्यमंत्री बाळा भेगडे यांनी या टीकेला उत्तर न देता संयमाची भूमिका घेत आपले काम चालूच ठेवले होते .
या कार्यक्रमासाठी मावळ तालुक्यातील घरकुल योजनेसाठी अर्ज केलेले लाभार्थी,नागरिक, सर्व कार्यकर्ते पदाधिकारी उपस्थित राहणार आहेत.
 भेगडे यांच्या वाढदिवसानिमित्ताने घरकुल योजनेचे शिवणे येथे भूमिपूजन सोहळा...लाभार्थ्याला पक्के घरबांधणीसाठी मिळणार २५०,००० रुपये....आमदार सिद्धार्थ शिरोळे यांच्या हस्ते उद्घाटन....){kind=link}
0 टिप्पण्या